ទទួលបានសញ្ញាបត្រអនុបណ្ឌិតជំនាញអេឡិចត្រូនិចសម្រាប់ប្រព័ន្ធបង្កប់ (Electronics for Embedded Systems) ពីសាលា École Nationale Supérieure (ENSEEIHT) នៃប្រទេសបារាំង។ រយៈពេល ៣ ឆ្នាំចុងក្រោយនេះ លោកបានបម្រើការងារនៅក្រុមហ៊ុនមនុស្សយន្ត (Robotic) របស់ប្រទេសបារាំងមួយ ក្នុងតួនាទីជាវិស្វករស្រាវជ្រាវនិងអភិវឌ្ឍន៍ប្រព័ន្ធបង្កប់ (R&D Embedded Systems Engineer)។

ទទួលបានសញ្ញាបត្របរិញ្ញាបត្រផ្នែកព័ត៌មានវិទ្យាពីសាកលវិទ្យាល័យពុទ្ធិសាស្ត្រ។ មានបទពិសោធន៍ជាងបួនឆ្នាំក្នុងការអភិវឌ្ឍ backend នៅក្រុមហ៊ុនបច្ចេកវិទ្យាឈានមុខគេក្នុងប្រទេសកម្ពុជា មុនពេលចូលរួមជាមួយ Stablu ពេញម៉ោង។

លោកជានិស្សិតដែលទើបបញ្ចប់ការសិក្សាពីវិទ្យាស្ថានបច្ចេកវិទ្យាកម្ពុជា (ITC) ដោយទទួលបានសញ្ញាបត្រវិស្វកម្ម ជំនាញវិស្វកម្មឧស្សាហកម្ម និងមេកានិក។ បច្ចុប្បន្ន លោកកំពុងបម្រើការងារពេញម៉ោងនៅ Stablu ក្នុងតួនាទីជាអ្នករចនាផលិតផល (Product Designer)។

លោកមានជំនាញលេចធ្លោក្នុងការរចនាក្រាហ្វិកឌីជីថល និងមានសេចក្តីរីករាយក្នុងការភ្ជាប់ទំនាក់ទំនងជាមួយអ្នកដទៃ។ បច្ចុប្បន្នលោកជានិស្សិតឆ្នាំទី៤ ដែលកំពុងសិក្សាផ្នែកវិស្វកម្មឧស្សាហកម្ម និងមេកានិច នៅវិទ្យាស្ថានបច្ចេកវិទ្យាកម្ពុជា។

មានសញ្ញាបត្រវិស្វកម្មផ្នែកបណ្តាញ និងទំនាក់ទំនង ពីវិទ្យាស្ថានពហុបច្ចេកទេសជាតិកម្ពុជា។ មានបទពិសោធន៍ជាងបួនឆ្នាំក្នុងវិស័យអេឡិចត្រូនិច និងបណ្តាញ មុនពេលចូលរួមជាមួយ Stablu ក្នុងតួនាទីពេញម៉ោង។

ជានិស្សិតថ្នាក់អនុបណ្ឌិតជំនាញវិទ្យាសាស្ត្រទិន្នន័យ (Data Science) នៅវិទ្យាស្ថានបច្ចេកវិទ្យាកម្ពុជា (ITC) និងបានបញ្ចប់ការសិក្សាថ្នាក់បរិញ្ញាបត្រពីសាកលវិទ្យាល័យប៉េកាំង ប្រទេសចិន។

ជានិស្សិតថ្នាក់បណ្ឌិតនៅសាកលវិទ្យាល័យ Toulouse ប្រទេសបារាំង។ បច្ចុប្បន្ន កំពុងបម្រើការងារជាអ្នកស្រាវជ្រាវនៅវិទ្យាស្ថាន LAAS-CNRS (មជ្ឈមណ្ឌលជាតិស្រាវជ្រាវវិទ្យាសាស្ត្រ) ដោយផ្តោតលើការអនុវត្តវិទ្យាសាស្ត្រទិន្នន័យ (Data Science) នៅក្នុងវិស័យណាណូហ្វូតូនិក (Nano-photonics)។